АЛГЫС

📽 Бала5ан ыйын 12 кунугэр олус суолталаах түгэн буолла — алгысчыт Алиса Михайловна Иннокентьева тохтоон турбут саҥа клуб тутуута силигэ ситэригэр сиэр-туом толордо. Кыттыыны ыллылар тутааччылар, олохтоох салалта, «Түһүлгэ» НАДь коллектива.

Ол курдук, саҥа клуб боппуруоһа хамсаан, эрдэ сылдьыбыт подрядчиктан саҥа подрядчикка көһөн, Альберт Алексеевич Васильев салайааччылаах олохтоох, бэйэтин үлэтинэн эрэллээҕин көрдөрбүт «Региональное развитие» ХЭТ тутууну ылсан үлэтин алгыстан саҕалаата. Бу объект прораба буолар биир дойдулаахпыт Артем Владимирович Тимофеев. Дьиэ көтүрүллэн саҥаттан дьэндэйиэ.

Барыта этэҥҥэ буолан, былаан туолан эһиил саҥа сылы Антоновка дьоно-сэргэтэ саҥа уораҕайга көрсүөхпүт турдаҕа. Алгыс баһа сыаланнын! Дом!

Похожие записи

Добавить комментарий

Ваш адрес email не будет опубликован. Обязательные поля помечены *